Kinakabahan ang mga nasa larangan ng pinansiya hinggil sa posibilidad na mabigo ang kauna-unahang pambansang halalan sa Mayo na gagamit ng kompyuter na mapili ang susunod na pangulo ng bansa.
Sa isang economic briefing na ginanap kahapon, sinabi ni Roland Avante, Sterling Bank Asia treasurer, na kabado ang mga banyagang manunuri kung mababahiran ang halalan: “it can create political instability.”
Ayon pa kay Avante, lalong tumataas ang kaba at pagtingin na mabibigo ang halalan.
“To a lot of Filipinos, maybe 80 percent haven’t thought there will be failure of elections and that goes back even to the discussion of why the appointment of a new Justice Secretary is important and why it is important at this particular point in time,” aniya.
Kung masabotahe man ang halalan, sabi ni Avante, “all the gains that the country has made in the last few years can all go to waste.”
“Political instability is one thing that we don’t need,” sabi niya at ipinaliwanag na itong kawalan ng kasiguraduhan ang isa sa mga dahilan kung bakit pinili ng mga pandaigdaigang mangangalakal ang global bonds na inalok ng Indonesia kesa doon sa mga inilabas ng Pilipinas.
Lalo pang umigting ang pagkabaga-bag sa mga nagaganap na brownout, na mas malala pa sa mga lugar sa labas ng Metro Manila.