Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

Sinabi kahapon ng Commission on Elections na babalik ito sa tradisyunal na manu-manong balota para sa halalang pambarangay at Sangguniang Kabataaan (SK) sa Okt. 25.

Sa halip na balotang may imprenta ng pangalan ng mga kandidato at iitiman ang oval sa tabi ng pangalan, mamamahagi ang Comelec ng tradisyunal na balota kung saan may mga patlang na susulatan ng pangalan ng kandidatong napili.

Ayon kay Comelec Commissioner Gregorio Larrazabal, binalak ng komisyon na gumamit ng balotang may nakalimbag na pangalan ng mga kandidato tulad ng ginamit noong Mayo 10, ngunit kulang na ang panahon para sa naturang uri ng balota.

Ayon sa resolusyong pinasa ng Comelec noong Martes, maaring makapagpatala mula Okt. 1 hanggang 13 ang mga nagnanais tumakbo sa halalang pambarangay at SK.

Maihahain ng mga kandidato ang certificates of candidacy nila sa kalihim ng Sangguniang Barangay.

Makapangangampanya sila Okt. 14 hanggang 23.

Set. 25 hanggang Nob. 10 ang panahon ng halalan kung kailan bawal ang pagbibitbit ng nakamamatay na sandata, paggamit ng bodyguard ng mga kandidato, pagpapanatili sa private army, suspensyon sa mga opisyal ng pamahalaan, paglilipat sa mga kawaning pampubliko, at iba pa.

Mula alas-7 ng umaga hanggang alas-3 ng hapon ang halalan sa Okt. 25.
Quote this article on your site