Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

UMAARANGKADA ang industriya ng business process outsourcing (BPO) sa bansa, ngunit ilang gradweyt lang ang nakakapasok dito, ayon sa Commission on Information and Communications Technology (CICT).

Pito lang sa bawat 100 gradweyt ang kwalipikadong magtrabaho sa BPOs, na kinabibilangan ng mga kumpanyang call centers at medical transcription, at back office services, sinabi kahapon ni CICT Commissioner Monchito Ibrahim sa isang pagdinig ng House oversight committee.

Aniya, hindi tugma ang kakayahang nakukuha ng mga gradweyt sa paaralan sa hinahanap ng industriya.

Sinabi ni Ibrahim sa mga mambabatas na kausap ng CICT ang Commission on Higher Education hinggil sa paglabas ng kurikulum na batay sa agham. “Any course today needs to be service-oriented. One example of a subject we need to have is project management,” aniya.

Dapat malaman ng mga gradweyt ang mga katangiang kailangan sa industriya ng BPO upang makapili sila ng mga kursong makapagbibigay sa kanila ng higit na pagkakataong makapasok sa trabaho, ani Zambales Rep. Milagros Magsaysay.
Quote this article on your site