Sa gitna ng panawagang palawigin ang termino niya hanggang sa matapos ang halalan sa Mayo, sinimulan ni Armed Forces of the Philippines (AFP) Chief of Staff Gen. Victor Ibrado ang pagdalaw sa mga kampo sa buong bansa upang magpaalam sa kanyang mga kawal.

“I’ve already visited several units, not only to remind them to be nonpartisan in the coming elections but also to say my goodbyes,” ani Ibrado sa mga reporter kahapon.

Aniya, nag-iikot na siya mula pa noong Enero upang ihayag ang kanyang “exit.”

Nakatakdang magretiro si Ibrado sa Marso 10. Ngunit ilang sektor, kabilang ang mga mambabatas, ang nanawagan kay Pangulong Macapagal-Arroyo na palawigin ang termino niya hanggang sa matapos ang unang pambansang halalang de-kompyuter sa bansa.