PinaalalaIhanan ng Commission on Elections kahapon lahat ng tatakbo sa Mayo 10 na alisin ang lahat ng mga iligal na materyal pangampanya bago ang simula ng 40-araw na panahon ng pangangampanya bukas.

Sa isang resolusyong en banc noong Biyernes, sinabi ng Comelec na itutukoy sa kandidatong taglay ng mga materyal ang mga iligal na bagay na makikita bukas at hindi tatanggalin sa loob ng tatlong araw.

Mahaharap sa isa hanggang anim na taong pagkakabilanggo at pagtanggal sa karapatang bumoto o mahalal ang kandidatong lalabag sa batas panghalalan.

Pinaalalahanan ng komisyon ang mga kandidato sa mga hangganan ng pag-aanunsyo sa telebisyon, radyo at mga babasahin, maging sa mga sukat ng mga karatula at poster.

Ngunit walang nabanggit sa resolusyon hinggil sa pangangampanya sa Internet.

Bawal magpaskil ng materyal sa mga kalsada, tulay, gusaling pampubliko, puno, poste at kable ng kuryente, paaralan, religious shrine at pangunahing lansangan.

Sa Marso 26 magsisimula ang kampanya ng mga lokal na kandidato. Sa Mayo 8 naman matatapos ang kampanya ng lahat ng mga tatakbo.