Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

Dapat nang paghandaan ng may 500,000 pasahero ng Metro Rail Transit (MRT) araw-araw ang dagdag-pasahe. “There’s no stopping a fare hike,” sinabi ni Transportation Undersecretary Dante Velasco sa isang panayam kahapon.

“The MRT’s operational costs and government subsidies are growing. The new government’s policy is to reduce these subsidies [which are] hurting the nation,” dagdag niya.

Aniya, sinisilip din ng Department of Transportation and Communications ang pagtataas sa pasahe sa Light Rail Transit (LRT).

Sinabi ni Administrator Melquiades Robles ng LRT Authority, na nagpapatakbo sa Line 1 at 2, na kailangan na talaga nilang magtaas ng pasahe dahil sa lumolobong gastusin sa pagpapatakbo at pagpapanatili.

“The last time we had an increase was seven years ago,” dagdag niya.

Sinabi ng DOTC na makatutulong sa pamahalaan ang karagdagang pondong malilikom sa dagdag-singil
upang pagandahin ang mga linya ng tren at palawigin ang kapasidad ng mga ito.

Ngayon, pinakamataas na pasahe sa MRT ang P15 sa isang biyahe, kaya ito na ang isa sa pinakamura at mabisang paraan ng pagbiyahe sa Metro Manila.

Ngunit umaabot sa P60 ang halaga ng pagbiyahe sa isang pasahero sa MRT. Ang kulang sa halaga, sinusustentuhan ng pamahalaan, ani Velasco.

“We are now adopting a ‘users pay’ concept, wherein the people who use the trains are the ones who pay for the costs. When the government provides subsidies, all tax payers, whether they take the trains or not, are forced to pay,” paliwanag niya.


Sa kanyang State of the Nation Address, sinabi ni Pangulong Aquino na pinapasan ng lahat ang pagpapatakbo sa mga tren dahil ayaw magtaas ng pasahe ng naunang administrasyon.

Quote this article on your site