ISASALIN ng Japan sa Ingles ang isang pagsusulit ng mga nars na gustong magtrabaho sa bansa, sinabi ng mga opisyal na Hapones kahapon.

“We have decided to review the exams because they place an extra burden on foreign applicants,” ani Yoko Shimada ng ahensiyang nangangasiwa sa mga nars.

Anang mga opisyal, halos lahat ng mga kumuha ng pagsusulit ngayong taon ay bumagsak dahil hindi naunawaan ang mga tanong na nasusulat sa wikang Hapon.

Sa pagsusulit ngayong taon, tatlo lang—dalawa mula sa Indonesia at isa mula sa Pilipinas—ang nakapasa sa 251 aplikante. AFP