HINDI lang iilan sa major studio na ito ang nakakaalam ng “casting couch conspiracy.”
Tatlong Gay Insiders ang matagal nang “nambibiktima” ng mga Hunky Actors kapalit ng mga malalaking proyekto. Si GI1 ang diumanong bagong bed partner ni Drama Actor, na dumaan na sa mahabang listahan ng gay benefactors. Si GI1 din ang kalaguyo ni Handsome Stud, na natsitsismis na may kakulangan pagdating sa kalinisan sa katawan.
Si Macho Upstart ay alaga ni GI2 habang si Mestizo Actor ang niroromansa ni GI3. Nang malaman ng girlfriend ni MA ang  ugnayang ito, madalian siyang nakipaghiwalay. Patuloy na nagagawa nina GI 1, 2 at 3 ang kanilang kalokohan dahil pinagtatakpan nila ang isa’t isa.
Binibigyan ni GI1 ng proyekto ang kalaguyo ni  GI2 at pinoprotektahan ni GI2 ang mga lalaki ni  GI1 mula sa press. Nasa posisyon din daw si GI3 na bigyan ng maraming proyekto ang mga alaga nina GI1 at GI2.

Nakikinabang
Si Pretty Starlet ang nakikinabang ngayon sa  casting couch conspiracy: Pero paano?
Dahil alam niya ang mga sikreto ng mga Hunky Boytoys ng tatlong GI, talagang ginamit ni PS ang inpormasyong nasa kamay niya. Sino naman ang mag-aakala na  isa pala siyang matinding blackmailer?
Ngayon, bisi-bisihan si PS dahil nabibigyan siya ng maraming maliliit na roles sa mga malalaking proyekto ng mga GI. Nakorner na yata niya lahat  ang mga role ng extra —bilang best friend ng lead star, younger sister, classmate, office mate... lahat na lang!
Hit and run
Bulung bulungan sa mga hallway ng Major Studio: nasa likod ng manibela si Promising Hunk nang banggain ng kanyang sasakyan ang isang dyip na ikinapinsala ng maraming tao.
Dahil valuable investment ang turing kay PH, ginawa ng MS lahat upang tiyakin na hindi lalabas sa balita sa telebisyon ang aksidente.
Gayunpaman, nakuha pa rin itong pag-usapan bilang blind item sa TV5 show na Juicy, at sa tabloid column ng isang Controversial Personality na closely identified sa  home studio ni PH.
Nagulat kami nang malaman namin ang pagkatao ni PH. Mukha talaga siyang mabait at banayad magsalita at hindi  tipong tatakbuhan ang isang aksidente.