TINAPOS na ng dalawang guest teams ang kanilang mga kampanya sa NCAA men’s basketball tournament kahapon sa FilOil Flying V Arena sa San Juan.

Umaapoy ang mga laro nina Aaron Santos, Arnel Fuertez at Limmuel Manarang sa huling dalawang minuto na nag-resulta sa 73-66 panalo ng Angeles University Foundation Great Danes kontra Perpetual Help Altas.
Bago ang bangis ng Great Danes, tinalo ng Emilio Aguinaldo College Generals ang Arellano University Chiefs, 86-81. Pumukol si Argel Mendoza ng 29 puntos na nagsindi sa mainit na laro ng EAC.
Bagamat natalo, tinapos ng Chiefs ang kanilang kampanya na may 8-10 panalo-talo marka. Ito ay pinakamaganda sa marka ng mga guest team.
Gumanda ang kartada ng Generals sa 6-11, apat na araw bago nila tapusin ang kampanya kontra sa Jose Rizal University Heavy Bombers.
“At least we ended the season on a good note,” ani coach Eric Gascon matapos putulin ng Great Danes ang 16-game losing streak. May kabuuang 2-16 marka ang AUF.
“It was a good experience for us to play in the NCAA and we’ll leave it up to [the league] if they’ll accept us as a regular member.”
Sinalpak ni Santos ang 10 sa kanyang 16 puntos sa final quarter, kabilang ang isang krusyal na tres, 69-66 30 segundo bago ang huling busina.
Umiskor sina Manarang at Fuertez ng 27 puntos. Ipinasok ni Manarang ang isang tres na nagpalamang sa Great Danes, 64-63.
“If we are still in contention for the Final Four, Argel (Mendoza) is a shoo-in as a MVP candidate.  He played a MVP-like performance game today,” sabi ni EAC coach Nomar Isla. Umaasa rin si Isla na makakapaglaro bilang regular member ang Generals sa susunod na season ng pinakamatandang collegiate sports league ng bansa.

MGA ISKOR
UNANG LARO
EAC 86—Mendoza 29, Santos 16, Chiong 13, Yaya L. 7, Yaya R. 7, Cubo 5, Jabaybay 5, Diolanto 4, Del Rosario 0, Liwag 0.
ARELLANO 81—G. Ciriacruz  28, Celada 13, Rivera 10, Apostol 9, Miranda 9, I. Ciriacruz  8, Agustin 2, Virtudazo 2, Anquilo 0, Catapang 0, Reducto 0, Tayongtong 0.
Quarters: 16-17, 38-37, 61-61, 86-81
IKALAWANG LARO
AUF 73—Santos 16, Fuertez 14, Carney 13, Manarang 13, Gigante 6, Nacu 5, Dumlao 2, Henson 2, Musni 2, Cayanan 0, Maniago 0, Perez 0, Sazon 0.
PERPETUAL 66—Carrullo 19, Elopre 19, Roño 8, Ynion 4, Sicat 4, Liaz 3, Salvado 3, Hainga 2, Salanga 2, Vivero 2, Galabin 0.
Quarters: 17-24, 30-34, 45-50, 73-66