Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

HINDI bumigay ang Barangay Ginebra sa umuusok na pagbabalik ng San Miguel Beer, 102-96 sa simula ng PBA Motolite Fiesta Cup best-of-seven title-series kagabi sa Araneta Coliseum.
Apat sunod na free throws ang pinasok ni Ronald Tubid sa mga huling segundo ng laro na tumiyak na uuwing masaya ang mga miron ng Gin Kings.
Buhay pa ang Beermen, 92-96 ngunit isang pagkakamali ni Dondon Hontiveros ang nagpalakas sa Gin Kings.
Dominado ng Ginebra ang sagupaan at lumamang pa ng 18 puntos ang Gin Kings na nakakuha ng mahuhusay na laro mula kina Jayjay Helterbrand, Ronald Tubid, Chico Lanete at David Noel.
Sa unang laro, may 27 puntos at 13 rebounds si Arwind Santos sa 132-118 panalo ng Burger King kontra Rain or Shine. Kinuha ng Whoppers ang ikatlong puwesto.
Anim pang Whoppers ang nagtapos sa double figures laban sa Elasto Painters na lumarong wala sina Gabe Norwood at Jay-R Reyes.
Kapwa nilalagnat sina Norwood at Reyes. Dumating si Norwood na naka-uniporme ngunit minabuti ni Rain or Shine coach Caloy Garcia na huwag ng paglaruan ang nangungunang kandidato para sa Rookie of the Year award.
Umiskor si Mark Isip ng 29 puntos at may 24 puntos si Ryan Araña para sa Painters.
MGA ISKOR
BURGER KING 132—Santos 27, David 17, Daniels 16, Rodriguez 15, Aban 13, Sharma 13, Yee 10, Billones 8, Belga 6, Arboleda 4, Cruz 3.
RAIN OR SHINE 118—Isip 29, Arana 24, Laure 17, Lewis 14, Andaya 9, Tang 8, Ibanes 7, Salangsang 5, Dulay 3, Ejercito 2.
Quarters: 36-23, 71-50, 101-80, 132-118
IKALAWANG LARO
BRGY. GINEBRA 102—Helterbrand 21, Baguio 17, Tubid 14, Artadi 13, Moel 13, Salvacion 9, Lanete 5, Mamaril 4, Intal 2, Menk 2, Reavis 2.
SAN MIGUEL 96—Washington 19, Villanueva 18, Freeman 16, Cortez 12, Hontiveros 11, Racela 7, Ildefonso 4, Pena 4, Pennisi 3, Pingris 2.
Quarters: 26-22, 53-41, 81-65, 102-96
Quote this article on your site