ISA LANG ang nakikitang dahilan ni San Miguel Beer coach Siot Tanquincen sa pagkatalo ng Beermen kontra Barangay Ginebra sa Game One ng  PBA Motolite Fiesta Cup title series.

“We just didn’t come mentally prepared,” sabi ni Tanquingcen na hindi naniniwalang tinalo ng bilis ng Gin Kings ang malaking frontline ng Beermen Miyerkules sa Araneta Coliseum.

“We must come better prepared (mentally),” dagdag ni Tanquincen na pinuna ang kawalan ng depensa ng Beermen.

“Defense does not stop with them missing their shots. They missed shots all right, but they were able to get it back.”

“We lost it, that’s it. We have to come more (mentally) prepared the next game. Tonight, everyone’s to blame.”

Umaasa si Tanquincen na babawi ang kanyang mga alagad matapos ang 102-96 pagkatalo at tuloy maiwasan ang 0-2 sa best-of-seven series.

Binigay ng SMB ang 20 offensive rebounds at hindi rin maganda ang depensa nila sa labas na nag-resulta sa malulutong na tres ng Gin Kings.

Minaliit naman ni Ginebra coach Jong Uichico ang panalo. “You’d like that situation when you get a head start. But it takes four games to win (a championship series),” he said.