Share this Mister Wong Digg Del.icio.us Slashdot Furl Yahoo Technorati Newsvine Googlize this Blinklist Facebook Wikio Export PDF Print E-mail

BOSTON—Pinatibay ng  Boston Celtics ang hawak sa Eastern Conference finals matapos ang walang habag na 94-71 tagumpay laban sa Orlando Magic Sabado.
Humarurot ang Celtics sa 3-0 abante sa best-of-seven finals at malaki ang posibilidad na tapusin na nila ang serye sa Garden Lunes.
“They’re playing hard, they’re playing together, they’re playing like a team that wants to win a championship,” sabi ni Orlando center Dwight Howard.
Sa tulong ng starting lineup na puno ng mga beterano, determinado ang Celtics na ibalik ang mabangis nilang porma na  nag-resulta sa ika-17 kampeonato noong 2008.
Ngunit binalewala ni Celtics coach Doc Rivers ang pagtutulad.“We haven’t scratched what we did in ’08.”
Anim Celtics sa pangunguna ng 17 puntos ni Glen Davis ang tumapos sa double figures na nag-resulta sa ika-anim sunod panalo sa playoff.   
May 15 puntos si Paul Pierce at 14 puntos si Ray Allen.
“It’s unselfish basketball,” ani Rivers. “We keep talking about letting the ball find the open guy. You don’t have to find it yourself.”    
Tanggal sa makulit na depensa ng Celtics ang bisa ng opensa ng Magic. Tinapos ng Magic ang laro na may 37 porsyento field goal.
“We know we’re a defensive team and that’s what we thrive off,” sabi ni Pierce. “We were able to turn them over and gather some momentum from our crowd.”    
Aminado ang malungkot na si Orlando coach Stan Van Gundy na huli ng isang hakbang ang kanyang mga alagad sa bawat kilos ng Celtics.
“They got off to an early lead and I don’t think we stayed with the fight very well,” wika ni Van Gundy. “We just sort of went sideways with our effort mentally.”    
Dumagundong ang home crowd matapos sisirin ni  Celtics pointguard Rajon Rondo bago ituwid ang sarili ang dumeretso sa isang matagumpay na lay-up. Reuters Quote this article on your site