Ilalagay ng prestihiyosong Philippine Sportswriters Association sina Efren ‘‘Bata” Reyes at pumanaw na chess icon Florencio Campomanes sa Hall of Fame sa taunang PSA Coca-Cola awards nights Marso 5 sa Manila Hotel.
Makakasama ng dalawang malalaking pangalan sa isports si five-time Athlete of the Year Manny Pacquiao sa Hall of Fame.
Kabilang sina Reyes at Bustamante sa talaan ng mga naglalakihang pangalan sa Pinoy sporting scene na pupurihin ng pinakamatandang samahan ng mga mamamahayag sa bansa.
Suportado ng Accel, Harbour Centre, Philippine Sports Commission, at Nihao Mineral Resources, International, Inc. ang gabi ng parangal.
Magkasalo bilang Athletes of the Year sina Asian Games gold medalists Biboy Rivera, Dennis Orcollo, at Rey Saludar at World 9-Ball champion Francisco `Django’ Bustamante.
Nagwagi bilang Athlete of the Year si Reyes noong 1999 at 2001 at siya ang unang Pinoy na nagwagi ng titulong world 9-ball at world 8-ball.
Skipper si Campomanes ng Pilipinas noong 1966 Havana World Chess Championship ngunit nakilala siya bilang lider ng World Chess Federation (Fide) noong 1982. Tumagal ng 13 taon ang panunungkulan ni Campomanes.
Pumanaw si Campomanes dahil sa prostrate cancer noong nakaraang Mayo 3.
Napiling National Sports Association of the Year ang Amateur Boxing Association of the Philippines.